Na pu’e e leoleo i le asō se tamaitai i le mae’a o le maliu o se alii mai le itu i Saute o Sini i le taeao analeila.

Ua lipotia mai e le 9News e tusa poo le 3 i le vaveao analeila na valaau ane ai le fesoasoani faavavave i se unit i Old Princes Highway i Engadine, na maua atu iai se alii 36 tausaga na maliu ai i lea nofoaga.

O lē na pu’eina e leoleo e 33 tausaga ma na ave atu i le falemai mo le faia o suesuega ma i le mae’a o ia suesuega na ave ai i le ofisa o leoleo i Sutherland ma o loo fesoasoani nei i suesuega a leoleo a o tālia ai se isi lipoti lata mai o lea faalavelave.

E lē o ta’ua i le lipoti le sootaga o lē na pu’eina ma lē ua maliu.

Puna o Faamatalaga: https://www.9news.com.au/national/woman-arrested-after-man-dies-in-engadine/e1930f10-04e6-4435-b9e9-46f8cc3cfafc