E lē o iai lava se faailo o le ono mae’a o le taua i Iran i le taimi nei.
Fai mai lipoti aupito lata mai i le lona 16 ai lenei o aso o lea taua, ua faailoa e Isaraelu i le CNN o loo fuafua a itiiti mai pe toe tolu ni vaiaso o le latou campaign o loo faasolo ma le faitau afe o nisi o taula’iga o loo totoe o loo aga’i iai a latou gaioiga, atoa ai ma le latou faamatalaga o le naunauta’iga ina ia ausia o latou moemitiga ina ia matua’i faavaivaia le faigāmalo a Iran.
Ua faailoa foi e sui o le faigāmalo a Trump pe ā ma le toe tolu vaiaso mae’a le taua ae e le’i sauni Trump e faia se maliega ma Iran ona e lē o lelei aiaiga o loo iai i le taimi nei.
Ua faailoa foi e Trump i lea lava lipoti, e talosia ia faamatuu ane e Saina, Farani, Iapani, Korea i Saute ma le UK ma isi ni vaatau i le Strait of Hormuz ina ia faataga ai le aga’i ane saogalemu o vaa i lea faaitu ma ia faasaogalemuina ai ia nofoaga.
O le tau ia o le penisini i Amerika ua oo i le 23 pasene le siitaga talu le taua.
I Iran ua faailoa e se sui o lea atunuu o loo faasolo ina manuia lo latou ta’ita’i fou ma o loo lelei le puleaina malosi o le atunuu.
Ua faamaonia le maliliu o le auvaa o se vaalele a Amerika i le vaiaso talu ai ina ua faaletonu lea vaa i le itu i Sisifo o Iraq ma o loo faia nei iai su’esu’ega.
Puna o Faamatalaga: https://edition.cnn.com/world/live-news/iran-war-us-israel-trump-03-15-26
