E lē o toe mamao saoloto le ui mai i Niu Sila o tagatanuu Fiti e aunoa ma le tau moomia o ni transit visa.
O le tala mai lea i le mae’a o le fono a le Palemia o Niu Sila, Christopher Luxon ma le Palemia o Fiti, Sitiveni Rabuka a o iai le Palemia ia Luxon i lana malaga taamilo i le Pasefika i le vaiaso nei.
O le suiga ua faailoa mai e aloaia i masina a sau ma o lona uiga o le a mafai ai e tagatanuu Fiti ona ui mai i Niu Sila e faatali ai le toe faaee o isi faigamalaga e faaauau atu ai i atunuu e faaaogā ai le New Zealand Electronic Travel Authority.
E leai se suiga i tagatanuu Fiti o loo fia malaga mai i Niu Sila mo tafaoga, aoga poo galuega lea e tatau pea lava ona faatalosaga le visa talafeagai e omai ai.
E ese mai i visa malaga, o lea foi ua sii i luga i le $2 piliona le maualuga o fefaatauaiga i le va o atunuu e lua, suia mai ai mai le $1.4 piliona o loo iai nei.
Na faamautinoa mai ai foi e Luxon isi tupe ua foaia e Niu Sila mo Fiti e tauala atu i le polokalame ua ta’ua o le International Development Cooperation lea e silia ma le $26 miliona.
Puna o Faamatalaga: Government removes transit visas for Fijians | Newshub
