Ua lapata’ia i latou o loo fuafua e faia faaipoipoga i le vaitau o aso fiafia ina ia aua ne’i faaaogāina se tasi o pu’eata mai Sini ina ua faailoa e le NSW Fair Trading ua tele faitioga ua faia atu e faatatau i lea kamupani ma o loo faia nei iai sa latou su’esu’ega.
O molimau a nisi sa faaaogāina le auaunaga a le Andres & Co ua o latou ta’ua e lei mafai ona faamalieina e lea auaunaga tuutuuga sa faia mo ata sa o latou pu’eina faapea foi ma videos, i le taimi sa folafola atu ia i latou e tatau ona maua atu ai.
O isi faaseā ua ta’ua ai e maua atu ata e lē lelei ona pu’eina ma o isi ua atoa le tausaga o faatali pea mo a latou ata.
O nisi faaseā ua ta’ua ai e faitau afe tupe ua alu i le totogiina o lea auaunaga ae fiu e fai atu faaseā e le’i maua ane se tali.
Fai mai le NSW Fair Trading e 68 faaseā ua taunuu atu faasaga i le auaunaga lea ma ua fautuaina ai tagata ia ‘alofia le toe faaaogāina a o faatalia le i’uga o su’esu’ega o loo faia iai.
Puna o Faamatalaga: https://9now.nine.com.au/a-current-affair/sydney-wedding-photographers-fair-trading-nsw-warning-bride-groom-consumer-complaints/a7c3edee-7c61-4392-a34d-667a24f2697f
