Ua gaioi nei Ausetalia e sauni mo le toe tatalaina o lona ofisa i totonu o Ukraine.
Ua faailoa e le Palemia ua mae’a sauni le vaega o le IT faapea foi le puipuiga mo le toe tatalaina o lea auaunaga i Kyiv i Ukraine.
O se sooupu mai le ofisa o le minisita o le va i fafo a Ausetalia, Penny Wong na ia ta’ua sa iai lava le fuafuaga a le malo e toe tatala le ofisa lea ma toe foi iai le aufaigaluega ma ua laasia nei e Ausetalia se isi sitepu e atili latalata ai i lea fuafuaga.
Peitai fai mai le matagaluega o le va i fafo ma fefaataua’iga e lē o manino mai se taimi sa’o e toe tatala ai ona e iai foi isi laasaga e mana’omia ona faatino muamua.
I le amataga o le osofa’iga a Lusia ia Ukraine i le 2022 na aveese mai ai loa e le faigamalo a Scott Morrison le aufaigaluega a le ofisa lea ma faamautū ai i isi ofisa o Ausetalia i Poland ona o tulaga i le puipuia o le soifua.
Na toe faaauau le faiga lea i le taimi na tula’i mai ai Albanese ae o lea la e foliga e lē o toe mamao se taimi ona toe amatalia lea o lea auaunaga i Ukraine.
Puna o Faamatalaga: https://www.abc.net.au/news/2024-12-13/australian-embassy-ukraine-kyiv-reopening-process/104720298
