Ua faamamalu nei e leoleo i Korea i Saute se sā e faasaga i le alii Peresetene o Yoon Suk Yeol, e faasā ona toe faimalaga a o faia le su’esu’ega e faatatau ia te ia ma lana folafolaga e faatatau i le martial law poo pulega tau le militeli sa ia faia i le atunuu i le vaiaso talu ai.

Sa faatūina ai se lafo faasaga ia te ia i le solia o tulafono peitai na saofia mai lea mataupu ina ua fai le faai’uga a lana vaega faaupufai e lē auai i lea palota ina ua malie ane le alii Peresetene o le a faapuupuu lona taimi i le tofi ma o le a lē aofia i mataupu tau le va i fafo ma le lotoifale.

Fai mai o lē sa avea ma minisita o le puipuiga, Kim Yong Hyun o ia lea o loo lipotia sa ia faatū atu le manatu lea o le pulega faamiliteli i le atunuu i le alii Peresetene na pu’eina i le Aso Sa a o isi sa auaufaatasi i lea fuafuaga ua aga’i ese ma o latou tofiga.

O loo finau ane le pati Temokalasi ma upuia ai le fuafuaga ua faia nei e le Palemia ma le patī o loo tula’i mai i le malo faapea e lē ogatasi ma le faavae o le atunuu.

Na faailoa foi e le ta’ita’i o le Temokalasi o le a toe oo le atunuu i le tulaga e pei ona masani ai a o le’i oo mai le Kerisimasi ma o se meaalofa lea o le Kerisimasi mo tagata o le atunuu.

Na ia una’ia foi le Peresetene ia faamavae loa ma ia faailoa i le autusitala o gaioiga a le Peresetene ua faaleaga ai Korea i Saute ma lona tamaoaiga.

Puna o Faamatalaga: https://www.bbc.com/news/articles/cwydj9k7jkgo