O I latou e tai 65 tausaga ma sili atu faapea tagata na muamua nofoia Ausetalia ua silia male tai 50tausaga le matutua o loo I nofoaga mo tagata matutua, faatasi ai ma tagata tai 16 tausaga ma sili atu e iai nisi tulaga tau le soifua maloloina e aafia ai, o I latou ia o le a muai agavaa mo le tui puipui lona fa lea ua ioeina nei e le ATAGI poo le Australian Technical Advisory Group on Immunisation, le kulupu lea e nafa ma fautuaga e faatatau i tui puipui i Ausetalia.
Ua faailoa e le minisita o le soifua maloloina Greg Hunt ole aso 4 o Aperila lea o le a amata faia ai tui ia ua faaigoa o winter doses poo tui mo le taumalulu ole aso foi lea e amata ai le polokalame mo le faia o tui puipui o le fulū.
Ua taua e le minisita o le tui lona fa la lea e manaomia ona faia ile maea o le fa ile 6 masina talu ona maea le tui puipui faaopoopo poo le booster. Fai mai le minisita sa silasila le ATAGI i faamaumauga faavaomalo mai atunuu e pei o Isaraelu ma faia ai le latou faaiuga ile mataupu lea.
