Ua faatalosagaina le tatau ona faaopoopo leoleoga i taimi o tuuaga o a’oga, ma ua sau ai i le mae’a faaleaga ma gaoi o falea’oga i Otara i Aukilani.

O meaai i le tuck shop faapea meaalofa o le Kerisimasi lea na alu uma i osofa’iga a gaoi lea na faaleagaina falea’oga o a’oga e lua i Otara i le faai’uga o le vaiaso talu ai, ma ua sau ai i le mae’a faaleagaina foi o malaetaalo ma paka i masina e le’i mamao atu i Otara lava.

Ua tutū faatasi ai nei le komiuniti, a o faatalosagaina ai foi le ofisa ia faaopoopo ana leoleoga.

O se tala mai le ofisa o leoleo ua faamaonia mai ai o lea o loo faasolo pea nei su’esu’ega i le gaoiina o a’oga e lua faapea le a’oga amata i Otara.

O se faanoanoaga tele i le matagaluega o a’oga le faaleaga ma gaoi falea’oga.

O le finagalo o nisi o ta’ita’i, e moni e moomia leoleo, e moomia sikulati, e moomia le malo, ae sili ai ona moomia le tutū faatasi o le komiuniti.

Puna o Faamatalaga: Community rallies after Ōtara classrooms ransacked