Ole kamupani vaalele a Ausetalia le Qantas ua o latou faalauiloa I le aso nisi o ana faigamalaga faapitoa faalilolilo mo le faaiuga o le vaiaso nei ise taumafaiga e faalelei le tulaga tau tulisi ile atunuu, O ia faigamalaga ua faaigoa o mystery flights e tolu, tai tasi mai Brisbane, Sini ma Melepone mo pasese e fia auai ai I ia ituaiga faigamala e le mailoa tonu le vaega e faimalaga iai.
O loo faamatala ile channel 7 o ia faigamalaga o le a faa alu ai le aso e tasi ise nofoaga e filifilia e le kamupani vaalele mo ana pasese mae aofia ai ma nisi o polokalame ua maea faatulagaina I lea nofoaga.
Fai mai le sooupu o le kamupani ole faia o tuipuipui ile atunuu I le taimi nei ua tau mautu ai ma nisi o faigamalaga mae e le gata I le fesoasoani ai I le toe faafoiina o le toatele o tagata I galuega ae o le faatautaia foi o mystery flights, e fesoasoani ai ia I latou e faatautaiaina pisinisi tau tulisi aemaise lava I latou ua tele le aafiaga I pisinisi ona o le faamai
O malaga ia ua faatulaga e agai ese ma Brisbane ile aso 27 o Mati, mai Sini ile aso 18 o Aperila ma Melepone ile aso muamua o Me. O pasese e amata mai I le $737 mo le economy ma le $1579 mo le business class e aofia uma ai taumafataga ma polokalame e faia I le nofoaga filifilia.
O taeao ile aoauli I le upega tafailagi a le Qantas e amata faatau ai nofoa mo ia faigamalaga.
