Ua faatonuina e le Palemia o Ausetalia, Anthony Albanese le aveesea pe aveina i lalo o se tasi o tusitusiga i luga o upega tafa’ilagi a le Vaega faaupufai a le Leipa i Vitoria ua upuia e tagata o se osofa’iga lē manuia ua faia faasaga i le ta’ita’i o le Itu Agai o Peter Dutton ma lona aiga.
O le post o loo aofia ai le ata o Dutton ma lona to’alua ma ua tusia ai ma upu i le faaperetania we all know that one couple, ia pe a tuu i se faasamoa lata mai, ua tatou iloa uma lenei ulugalii.
Na matua’i faailoa ai le lē fiafia o le vaega faaupufai a le Liberal ma faia ai ma le faatonuga a le Palemia ina ia aveesea ia ituaiga tusitusiga.
Fai mai le 9News ua mae’a ta’utino ane Dutton o le a ia lē faia ni faamatalaga e faatatau i le uo tamaitai a le alii Palemia i le taimi o faiga campaign o le palota ma ua faailoa e Dutton i le lipoti lava lea o ia na te faaaloalogia ma fiafia foi i le uo tamaitai a le Palemia e tatau foi la i le Palemia ona faaaloalo foi i lona to’alua.
E to’atele isi faipule e lē o fiafia i le post lea sa faia faasaga ia Dutton a o tālia ai le i’uga o le mataupu pe usita’ia e le Leipa i Vitoria le faatonuga mai lo latou ta’ita’i le alii Palemia.
Puna o Faamatalaga: https://www.9news.com.au/national/peter-dutton-labor-post-anthony-albanese-orders-post-criticised-as-nasty-attack-taken-down/5279a016-f2e3-4895-be31-0fa57241d5b9
