O le asō e faatalanoaina ai i Sini le matāupu e faatatau i le tau o le penisini ma aafiaga o le taua i Iran atoa ai ma le sapalai o le penisini.
O aafiaga o le taua e pei ona silafia e le to’atele ua aafia ai ma auaunaga tau femalagaa’iga aemaise ai o le feavea’iina o le suāuu ma ua siitia maualuga ai ma lona tau.
O le fonotaga la i le asō o le a ta’ita’ia e le minisita o malosiaga a Niu Sa Uelese, Penny Sharpe ma o le a auai ai ma sui mai auaunaga tau fela’ua’iga, faato’aga, mining faapea foi ma oloa faatau.
O le matāupu o loo laualuga o le sapalai o le penisini ma o le a faatulaga ai se fuafuaga mo le aga’i i luma.
O le a lotea ai foi ma nisi o su’esu’ega na faia i auaunaga o loo faatauina le penisini ma le tau ua faia auā a itiiti mai pe lua pamu penisini ua faailoa e le 9News na faia iai ni faasalaga ona o le lipotia sesē o le tau o loo latou faatau ai le penisini.
Puna o Faamatalaga: https://www.9news.com.au/national/us-israel-iran-war-crisis-talks-over-petrol-as-middle-east-war-expands-after-oil-island-hit/7094b0cf-4f3a-4f69-a306-51d29beb6634
