O fanauiti i lo tatou atunuu o loo pito to’atele iai tagata ua maua i āuga o le faama’i o le tale vivini e pei ona faailoa e le matagaluega o le soifua mālōlōina i se lipoti lata mai.
Ua faailoa ua valu gasegase fou ua faamaonia ma ua faamauina ai le aofa’iga e 34 e fulisia i fanau e i lalo o le tasi le tausaga le matua.
O le isi faamaumauga ua faailoa e le soifua mālōlōina e 46 tagata ua masalomia ua aafia i āuga o lea faama’i ae o loo faatali su’ega poo test e faamautū ai.
Ua na o tagata i Upolu ua faamauina le maua i le tale vivini lea o le 56 pasene o tamaitai ae o le 44 pasene o alii.
Ua fautuaina le atunuu aemaise mātua ina ia faia tuipuipui.
O le aso 28 o Novema na faalauiloa ai e le matagaluega o le soifua mālōlōina le faamaonia o le pipisi o le tale vivini i lo tatou atunuu.
