Ua feiloa’i le Peresetene o Colombia ma le ‘autusitala i le vaiaso nei ina ua mae’a lana asiasiga i le White House i Amerika sa feiloa’i ma le Peresetene o Donald Trump.
Faailoa e Gustavo Petro le alii Peresetene e tulaga lelei le fonotaga ma o le a galulue faatasi nei ma Amerika e tetee atu i fuālaau faasāina e faatau ma feavea’i solo e tagata.
Na faailoa foi e lipoti a le BBC faamatalaga a Trump e uiga i lea fonotaga na ia faailoa ai lona fiafia i le sologa lelei o le la feiloa’iga ma Petro.
I le taimi ua te’a sa upuia ai e Petro le faigāmalo a Trump ma ana gaioiga i matāupu tau femalagaa’iga ma le pu’eina e Amerika o le Peresetene o Venezuela.
Ua ta’ua e le alii Peresetene o Amerika, Colombia ma Venezuela ua lusi a latou mafutaga tau le tamaoaiga ona o faafitauli tau polokiki.
I le mae’a la o le fonotaga ua ia ta’ua ai e ono eseese Colombia ma Amerika i le tele o matāupu peita’i e tutusa o la talitonuga i le fiafia ma le naunauta’i i le sa’olotoga, love of freedom.
Puna o Faamatalaga: https://www.bbc.com/news/live/c9vx9zkn2pzt
