Ua faaauau pea ona lapata’ia Ausetalia i le vevela ma ua tuuina le lapata’iga i le faitau miliona o tagata ina ia faaeteete aemaise i le asō i le vevela o loo iai ma le malosi o savili i nisi vaega.
O South Australia poo Ausetalia i Saute lea ua mamafa iai lapata’iga i le asō ma ua iai foi popolega mo fale i nisi o faaitu o loo taumafai ai pea le tineimū e tapē afi i togavao ma ua aafia atu ai ma fale.
Faamatalaga mai le vaaitau ua faailoa ai o isi vaega o Ausetalia i Saute o le a oo atu i le silia ma le 30 tikeri i le asō ma pe oo atu foi lava i le 40 tikeri i nisi nofoaga.
Ua faasāina le toe tutuina o ni afi ma ua faigatā foi le galuega a le tineimū.
O le itu i Sisifo o Ausetalia, Western Australia ua lapata’ia foi i lamatiaga mai afi e ono sasao ane.
Puna o Faamatalaga: https://www.9news.com.au/national/weather-news-south-east-australia-on-alert-for-high-to-extreme-fire-danger/74532cf0-0bc0-4ec8-827c-ec3fe0238d55
