E mata’utia lōlōga o loo aafia ai le atunuu o Kenya.
Faailoa i lipoti a le BBC ua faaopoopo atu le isi to’afā maliliu mai ia lōlōga i le mae’a o timuga mamafa i le atunuu.
Ua oo atu ai ma le aofa’i o tagata maliliu talu mai le vaiaso na te’a nei i le 66.
O le laumua o Kenya o Nairobi na matua’i aafia ma lavea’ia mai ai tagata e to’a 11 mai se taavale na aafia i lōlōga, lavea’iina mai ai foi ma ni tamaiti se to’alua mai se fale na lolovaia.
E tele auala ua tapunia ma alalaupapa ua faaleagaina.
O a’oga i faaitu ia ua matua’i aafia i lōlōga ma o le lapata’iga e faapea o loo aafia vaega eseese o le atunuu i lea faaletonu ma ua faatonuina tagata i nofoaga maualalalo o le atunuu ina ia aga’i i nofoaga maualuluga.
Puna o Faamatalaga: https://www.bbc.com/news/articles/cz6e5eng03yo
