E 39 tagata faigaluega a le ofisa o faamaumauga ua fai mai o le a o i le vāea i totonu o le 4 vaiaso, o lona uiga e vāea a o lei faia le Kerisimasi.

E $2.4 miliona tupe e tatau ona faasao a le vaega o faamaumauga ma e tauala mai lea i le faaitiitia o ona tagata faigaluega.

O loo iai le popolega o le asosi o loo vaaia tagata faigaluega a le malo, ona e ono vāea ai ma tagata e lava tomai ma toalaiti ai ma pule e pulea galuega.

O loo finau malo le Public Service Association ia lē taunuu lea fuafuaga.

E fitu aso lea ua tuu mai i tagata faigaluega ua fesiligia le faatumauina o avanoa o galuega e faaleo atu ai ni o latou finagalo i le fuafuaga lea ua aumai.