E $24 miliona e faaopoopo ai le isi tasi le afe o faiaoga, ae $20 miliona mo fanau.
O faiaoga nei e tasi le afe o loo fuafua e omai le 700 mai fafo ae o le isi 300 e sue i totonu o Niu Sila.
O le a tuuina atu foi i le pulega a le New Zealand Qualifications Authority poo le NZQA, Teaching Council ma le Education Payroll le vaegatupe mo faiaoga mai fafo ina ia faatelevave ai ona faagaioi.
Ae mo faiaoga faaopoopo lea o le a sue mai i totonu o le atunuu, o le a faaalu lea e faaopoopo ai sikolasipi faapea le tele o polokalame faaleaoaoga.
I fanau aoga ua aafia aoga ona o taimi o sa o le Koviti, o lea ua aumai e le malo le isi.
E $20 miliona ma o le a faaaoga lea e fesoasoani ai i suega o le NCEA, fesoasoani i meaaoga a fanau e aofia ai tapenaga mo suega.
O loo iai le faamoemoe ia mafai ona fesoasoani ai i le tusa ma le 2,245 fanau Maori ma le Pasefika o loo i Vasega 11 i le 13 a o faasauni atu ai mo le NCEA i le kuata a sau.
