Ua toe filifilia e le Malo le susuga Leiataua Samuel Phineas e faaauau ona avea ma Ofisa Sili o pulega o le faalapotopotoga o vaa a Samoa mo le isi 3 tausaga, ina ua mae’a lana uluai tolu tausaga i lea tofiga na muai tofia iai i le masina o Me o le tausaga e 2020.
Ua faailoa i se pepa o faamatalaga sa lagolago malosi le Komiti na faia le filifiliga ina ia toe tofia lea tamalii ona o ona tulaga agavaa e pei ona sa avea ai ma se tasi sa galue i luga o vaa tetele o le sami, ma sa avea foi ma faiaoga i le Iunivesite Aoao o Samoa.
Sa muamua avea ma pule sili lagolago o lea faalapotopotoga a le Malo a o lei avea ma faauluuluga poo le Pule Sili.
O ia o se tamafanau a le afioaga o Manono ma Faatoia.
