Ta’ua e le minisita o le Kapeneta, Shane Jones, ua tatau lava ona silasila ina ia matuā mamafa ni faasalaga faafalepuipui i tagata e ona ta’ifau fe’ai ia e faataaloa solo ma ua afaina ai soifua o tagata.
O lana saunoaga lea na māfua mai i se faalavelave i lenei vaiaso ua lipotia mai le ma’umau ai o le soifua o se mafine na osofa’i ma ‘ai e ni ta’ifau i Kaihu.
O le maliu ai o lenei mafine, ua lona tolu ia te ia maliu faapea i le Northland i le fā tausaga ua tuana’i.
Ta’ua i lipoti o le tusa o le 12 i le aoauli o le Aso Lua, na alu ane ai se valaau i le vaega o faalavelave faafuase’i mai se fale i Kaihu, ma e taunuu atu le lavea’i ua uma lava le ola o sia mafine.
Saunoa Jones, e lē o fetaui le tulafono lea o loo iai i le taimi nei, ma o lea e feoa’i faatalaloa pea nei meaola, ma ua faateteleina ai faafitauli i le faagasologa mai o tausaga.
E to’alaiti ni tagata e ona ta’ifau fea’i na mafai ona faasalaina, lona uiga e leai se mea o malosi ai se faasalaga o faatulaga atu, ma ua tatau ai lava i lona manatu, ona toe siitia le malosi o faasalaga, ia aofia ai ma le mamafa o faasalaga faafalepuipui o i latou e ona ta’ifau nei.
Puna o Faamatalaga: https://www.rnz.co.nz/news/political/587147/severe-jail-terms-needed-for-owners-of-homicidal-dogs-shane-jones-says-after-northland-mauling
