Na maualuga le tulaga sa iai le taumafai o auvolipolo a alii ma tamaitai mai Samoa lea sa tausinio ai le Knights mai Vaitele fou ma le I’asa mai Leusoalii Luatuanuu i le taamilosaga volipolo o le Pacific Challenge Cup na faia i Manukau i Niu Sila i le vaiaso na tea nei.
Ua faailoa i le taunuuga o lea taamilosaga le tulaga muamua i le vaega o pulu o ia ‘au mai Samoa, ae o le vaega o le sailiga o ni ‘au mo le suega siamupini e lei mafai ona ausia lea vaega ina ua malolo i le vaega o semi finals.
I auvolipolo e 20 a alii sa tausinio ai ‘au a Samoa, ua tutusa le Knights ma le I’asa i le tulaga tolu ma manumalo ai i le pine apamemea, ae o tamaitai lea sa tausinio ai le I’asa ua maua foi le tulaga 3.
Le susuga Nifae Magele o le faiaoga o le auvolipolo a le Knights i se faatalanoaga i le po o le Aso Sa a o iai pea i Niu Sila ‘au mai Samoa sa tausino i le taamilosaga volipolo o le Pacific Challenge Cup.
O le aotelega o le taamilosaga i le faaiuga o taaloga saili siamupini o le vaega o alii ua siamupini ai le South Auckland Orcas maua le pine auro, tulaga 2 o le Tanifa Razorbacks i le pine siliva.
I ‘au a tamaitai tulaga muamua le Mankau South maua le pine auro ae tulaga 2 le South Auckland Orcas ua pale i le pine siliva.
