Ua oo i le taimi ua tatau ai ona iloilo le siitaga o pasese o tagata feoai i vaalele faapei ona faia i isi maketi, e iai supamaketi ma faletupe.
O le manatu lea o le Consumer New Zealand a o fai mai ai le kamupani vaalele a le Ea Niu Sila o le asō e amata sii ai pasese mo faigamalaga uma i totonu o Niu Sila.
O se siitaga ua sau ai i le mae’a faailoa o le pa’ū o polofiti a le kamupani vaalele i totonu o le ‘afa tausaga muamua o lenei tausaga faaletupe, ma le tala o loo toe faatupe e le kamupani le tusa ma le 30% a o sii ai le tele o tau o auaunaga.
O le siitaga nei o pasese o loo tuufesili ai le toatele ma o lea lava foi na tele faitioga a tagata sa faaulu agai i le Consumer New Zealand faasaga i le Ea Niu Sila i taimi o le Koviti lea lava na amata lagona ai le lē fiafia o le toatele.
I se manatu o le Consumer NZ, e na te lagolagoina se vaega o le finau a le kamupani vaalele ona o le maualuga o le tau o le suauu faapea totogi, peitai o le faafitauli e lē o mafai ona faamaonia poo le ā le tele o le siitaga o pasese e afua mai itu nei.
E oo mai i le taimi o tala fou e leai se talosaga aloaia ua ta’ua mai, poo se tali foi a le komisi o pisinisi.
Puna o Faamatalaga: Call for Commerce Commission to put New Zealand air fares under microscope | RNZ News
