O le asō lea e tulai ai i le faamasinoga le isi foi alii lea na pueina mai e leoleo mai le malaevaalele faavaomalo i Sini i le aoauli ananafi.

O loo molia i le fasiotia o se tamā i luma o lona atalii i le masina na tea nei. O lē ua molia e 26 tausaga le matua mai Fairfield ma na aveina atu i le ofisa o leoleo i Surry Hills mo suesuega i le aso ananafi. 

O Taha Sabbagh 40 tausaga na fana e le tagata a o saofai i totonu o lana taavale i fafo ane o se gym poo le fale koleni i Sefton i le aso 2 o le masina talu ai o Mati.

O le faamatalaga lea mai leoleo ma ua faalauiloa foi ata i le asō i le taimi na tatala ane ai e si ona atalii e12 tausaga faitotoa o le pa o le gym a o alu atu i totonu le taavale a lona tamā.

O loo maua ai foi i ia ata le taimi na oso ai i fafo mai le isi taavale se tasi tagata ma tafana ane le taavale a Sabbagh.

Fai mai leoleo o lē o loo faia nei iai suesuega e feta’ua’ina sa aofia ai i le fuafuaina atoa o lenei faalavelave i le fasiotia o Sabbagh.

Fai mai na pueina a o taumafai e agai i le atu Asia. E lei taliaina le talosaga e tatala ai i tua ma o le asō la e tulai ai i le faamasinoga.O loo faia pea suesuega ma o se taimi o le asō e faailoa mai ai se isi lipoti lata mai e leoleo.