Ua see ane nei le ‘au taitoafitu a Samoa i le tulaga tolu i le faatulagana o ‘au i le HSBC 7S ina ua mae’a le vae o le taamilosaga na talimalo ai Sini i le faaiuga o le vaiaso ma le aso ananafi.
E tulaga ese foi le lagolago a si o tatou atunuu i Sini nei mo le tatou ‘au aemaise foi le ‘au a Niu Sila e ala i tapuaiga i le Allliance Stadium i Sini.
O le MSNSW sa o latou faafeiloaia aloaia le taunuu mai o le ‘au ma sa faailoa foi le lagolago a le mamalu o Samoa i Sini nei i le malaetaalo.
O Niu Sila o loo sili i le itupa o alii, tulaga lua Aferika i Saute, tulaga tolu ai Samoa, tulaga fa Farani, ma Fiti i le tulaga lima mo le taimi nei a o faatalia ai le isi vae e sosoo ai i Amerika i le faaiuga o le masina fou.
O le itupa o tamaitai o loo sili ai foi Niu Sila, tulaga lua Ausetalia, tulaga tolu Amerika, tulaga fa Farani ma Aialani i le tulaga lima.
