Ua faailoa e Iran ua iai se maliega ua taunuu iai a latou talanoaga ma Amerika e faatatau i le polokalame niukilia a lona atunuu.
Faatalanoaga a le minisita o le va i fafo a Iran o Abbas Araghchi ma le autusitala i Geneva na ia ta’ua ai e iai pea lava galuega e fia faia.
Faailoa foi e Amerika i lea lipoti ua iai se tulaga lelei o talanoaga.
E lē o manino poo ā tonu isi matāupu na aga’i iai le talanoaga ae na faailoa e se sui o Amerika i le BBC o loo tele pea mea e ao ona faatalanoa atili ma i le mae’a o le lua vaiaso o le a toe aga’i ane ai sui mai Iran ma ni a latou proposals e faatulaga lelei ai nisi o matāupu sa lotea.
Sa faia faamata’u a Trump faasaga ia Iran i nisi ana faamatalaga i le tuana’i ma ia ta’ua ai talosia ia mautū se maliega i le matāupu lea auā na te manatu ailoga e manana’o Iran i se tulaga e oo iai pe afai e leai se maliega aemaise o lea ua lipotia le lalata o vaatetele a Amerika i gataifale o Iran.
Peita’i ua faailoa e le ta’ita’i o Iran, Ayatollah Khamenei i le BBC e sili atu foi ona mata’utia atu se ‘au’upega na te aveina vaa tetele ia i le ilititai o le sami.
Puna o Faamatalaga: https://www.bbc.com/news/articles/cwyknjnd706o
