O le vaiaso muamua lenei o Me ua tufatufa ai i a’oga a le malo se meaalofa o puni fofoga, o vailaau e fufulu ai lima, o vaega e sue ai auga o le faamai Koviti-19, ma vailaau e fufulu ai nofoaga e pei o faleui, ma ua fetaui lelei le foai lenei e tusa ma le miliona tala Ausetalia lona tau atoa, ma tapenaga a aoga i le puipuia o fanau mai le pipisi o le flu, e pei ona faaauau ai malologa o le tuuaga o le kuata muamua o le tausaga.
Ua faailoa e le matagaluega o aoga taaloga ma aganuu i se pepa o faamatalaga faalauiloa o le faalapotopotoga o le UNICEF ma le UNESCO ua tauala mai ai le foai, ma ua tufatufa i aoga uma a le Malo i Upolu ma Savaii.
E ese mai lea fesoasoani maua fua mo aoga a le Malo, o le vaiaso nei foi na amata ai le tufatufaina o meaalofa tupe a le Malo mo aoga uma i Savaii lea na faamae’a i le Aso Lua i aoga i le itumalo o Palauli.
O le ogatotonu o lenei vaiaso ua faasolo ai le tufatufaina o siaki tupe mo aoga uma i Upolu.
E 17 tesimale 7 miliona tala le aofaiga atoa o lea meaalofa tupe a le Malo.
