Mai tagata Ausetalia e to’afā na lipotia atu ananafi lea sa ave i le falema’i ina ua masalomia ua faa’onā vaiinu sa taumafaina i se resort i Fiti, ua faailoa i lipoti aupito lata mai o le to’alua o i laua ia o se tinā ma sana tama teine lea ua toe tuvae mai nei i Sini.

O lipoti a le 9News ua faailoa ai o Georgia Sandoe Simpson 19 tausaga ma lona tinā o Tanya 49 tausaga le matua, na taunuu mai i le po anapo mai Fiti.

O isi tagata Ausetalia e to’alua o tamaita’i foi ua tete’a i tua ma le falema’i i Lautoka ae o loo iai pea i Fiti.

O le to’afā lea e atoa iai le to’afitu o tulisi sa aafia i vaiinu ia na taumafaina i le Warwick Resort i Fiti, lea o loo faatalia ai se lipoti lata mai mai leoleo a Fiti i le latou su’esu’ega o loo faia pea.

O se faamatalaga mai le resort o loo aofia i le mataupu lea ua ta’ua ai ua lafo mai samples o vaiinu na taumafaina i Ausetalia nei mo su’esu’ega ma o se taimi pisi tele lenei mo latou mo le masina lava ia lenei pe lata i le 100 afe tulisi o loo fuafua e taunuu atu i lea resort mo aso mālōlō.

Puna o Faamatalaga: https://www.9news.com.au/national/fiji-drink-poisonings-australians-return-home-discharged-from-hospital/a62359d7-ccd2-4e11-ac90-874deb8bca64