Ua toe faalavelavea foi e Farani se isi uta o fuālaau faasāina o le cocaine na maua e lata i Falani Polenisia poo Tahiti ma ua oo atu ai i le $2.4 piliona le tau aofa’i o fuālaau faasāina ua maua i le 2026, e tusa lea ma le 11.5 tone o le cocaine.
O le tolu ai lea o uta ua maua e Farani ma ua lapata’i mai le ausu’esu’e o atunuu o le Pasefika lea ua faaauau pea ona taula’i mai iai le aumaia o fuālaau faasāina e faaui mai ai ma aveina atu ai i Ausetalia ma Niu Sila.
E lē o ta’ua mai i le lipoti a i latou na mauaina lea sapalai, le igoa o le vaa ma le vaega na aga’i atu iai aemaise poo fea na faimalaga ane ai.
E le’i leva atu nei ona maua foi se isi uta o fuālaau faasāina i se tama’i motu i le Atu Malesala lea pe ā ma le 5 afe kilomita mai Falani Polenisia.
O loo faaauau nei su’esu’ega ae o loo faailoa foi i le lipoti e lē o mafai ona taofia e leoleo a Farani le auvaa e fua i aiaiga o tulaga faapea ona e na o le atunuu e ana le fua o loo i le vaa e mafai ona o latou faia se faasalaga o se vaa faapea o loo masalomia le ave nanā atu ai o fuālaau faasāina.
Puna o Faamatalaga: https://www.rnz.co.nz/international/pacific-news/587163/french-polynesia-drug-haul-hits-2-point-4-billion-in-a-month-as-third-shipment-intercepted
