Ua toe foi turisi Ausetalia e to’alua lea na mama’i i Fiti i le masalomia na faaonanā.
I lipoti mai Ausetalia o loo faamatalaina ai o inuga ‘ava malosi nei na uma ane ae oso ai le faamaalili o nisi o le to’afitu na mama’i ma ave ai loa i le falema’i.
Fai mai le minisita o turisi a Fiti, o le mea na tupu e na o le pau lava lea o le nofoaga na ta’ua mai ai, ma ua ia toe faamausalī i tagata mai fafo o loo saogalemu lava Fiti i le tafao, ma o lea ua galulue vave e su’esu’e le mafuaaga o le mea ua tupu ae pe faafefea ona mama’i turisi nei.
Mai Ausetalia o lea ua fautuaina ona tagata malaga i Fiti ia mataala i vaitaumafa nei e ono aafia ai, e patino lava lea i le taumafa ‘ava malosi.
O isi uma turisi na aafia ma taofia i le falema’i o lea ua faasolosolo manuia e tusa ma faamaoniga mai Fiti i le taeao nei.
Puna o Faamatalaga: Aussies returning home after suspected Fiji poisoning
