E silia ma le 5 miliona aiga Ausetalia ma le miliona o pisinisi o le a maua fesoasoani tau tupe e tauala atu ia latou pili moli ona o se paketi e $1.5 piliona ua feta’ua’ina mai nei e le malo.
O le teutupe a le atunuu o Jim Chalmers ua ia faailoa lea tulaga o le a maua ai e aiga le oo atu i le $500 tala Ausetalia e fesoasoani ai i le totogi o le pili o le moli ae o le a eseese uma lea aofai i setete uma.
O le tala faatatau o le tupe lea e folasia i le vaiaso nei e talitonuina o loo aofia mai ai ma lea faatatau a le malo ma fai mai Chalmers o le galuega lea a le malo o le aveese o tulaga o loo fai ma luitau i le soifua o tagata ma o le tala faatatau o le tupe o le a folasia o le a agai sa’o lava mo nai tagata ua matuai feagai ma faigata.
Ua mae’a folasia i se taimi e lei mamao atu o le a iai siitaga i totonu o tagata faigaluega atoa ai ma le faamāmā avega i le totogi o talavai ina ia faasao mai ai tupe mo gasegase.
O le a iai foi ma le siitaga i le peimeni o le jobseeker poo le ausue galuega, o i latou ua silia ma le tai 55 tausaga le matutua.
O taeao lea ua fuafua o le a folasia auiliili mai ai le tala faatatau o le tupe a le malo.
