Ua faamaonia ua to’alua tamaiti ua aafia i le gasegase o le diptheria i le atunuu talu mai le 1992. Ua faailoa mai e to’alua tamaiti mai Niu Sa Uelese, 2 tausaga ma le 5 tausaga le matutua o loo taofia uma nei i le maota gasegase ina ua aafia i lea faama’i.
O le diptheria o se siama e pepesi ma e iu ina faamata’u ai i le ola o se tagata I nisi o taimi. O le mafuaaga taatele lea i le maliliu o fanau i le vaitausaga o le 1940 pei ona faailoa i le lipoti ma sa seasea ona toe vaaia lea faamai ona e talitonu fomai e mafua ina ua faia tuipuipui.
O le taimi nei o loo taatele lava i atunuu e itiiti ai le aofai o tagata ua faia tuipuipui. E le o mautinoa pe faapefea tamaiti ia e to’alua i le faamai. O auga e aofia ai le tiga o le faa’ī ma tonsils, e le fia ‘ai ma e fiva foi.
E pepesi pe a tale le tagata ua aafia.
