Ua laga ni manatu le fiafia o nisi i le mataupu e pei ona lipotia mai i le asō i le RNZ Pacific e faapea e iu ina amata i le masina lava lenei ona faatino le deep sea mining ia poo le faatino o suesuega i le sami mo minerale.
O le a mafai ona faatino lea tulaga ina ua ioeina e regulators le The Metals Company ia faatino loa lea tulaga i le foloa o le sami.
Ua faatagaina e le International Seabed Authority poo le ISA le faia o lea tulaga e ala i le tuuina ane o se pemita i le Nauru Oceans Resources e amata faia ai loa suesuega i le va o Hawaii ma Mexico.
Ua valaau ai nei le Greenpeace Aotearoa i isi taitai o le lalolagi ina ia faailoa mai so latou sao i le mataupu ma ia faia vave se sā le tumau i le ituaiga gaioiga lea, le deep sea mining ina ia puipuia ai le vasa.
O le ISA sa faatuina e Malo Aufaatasi ma le faamoemoe e feagai ma le puipuia o le international seabed.
Fai mai le Greenpeace o le taimi nei ua tutu faatasi tagata i vaega eseese o le Pasefika e tetee atu i lenei gaioiga.
