Ua lipotia e le ausu’etusi na feagai ma le su’eina o tusi a le ofisa o tulisi i Ausetalia nei le Tourism Australia le tele o le tupe faaalu e lea auaunaga ua faaaogā ai le 3 kuata o lana paketi faaletausaga i le totogiina o contractors poo tagata e faia a latou galuega ae o le tele o ia konekarate e lē o faailoa ai o alu aogā ia tupe.
Fai mai le ABC o se aofa’iga e $266 miliona e faaalu i konekarate i le va o Iulai 2021 ma Iuni o le tausaga nei.
Ua maua i su’esu’ega e le’i usita’ia e le Tourism Australia aiaiga o le sailia o contractors e alu aogā ai le tupe ma e foliga e masani foi lava ona o latou lē faia ni gaioiga i nisi mataupu o loo tula’i ai ni sootaga o tagata o aofia; o se faata’ita’iga i nisi mataupu sa faigaluega muamua ai tagata faigaluega o le tulisi i ofisa o loo ua faamatuu atu iai konekarate.
O nisi mataupu na alia’e i su’esu’ega a le su’etusi ua iloa ai nisi faiga meaalofa e 15 i le aufaigaluega ua lagolago ai e le auaunaga se faigamalaga ae le’i sa’ilia muamua se ioega i lea tulaga.
E 9 lelei fautuaga ua faamatuu ane e le ofisa o le su’etusi e tatau ona mulimulita’i ai le Tourism Australia mo le aga’i i le lumana’i ma ua o latou taliaina uma ia fautuaga.
Puna o Faamatalaga: https://www.abc.net.au/news/2024-12-17/tourism-australia-three-quarters-of-its-budget-contractors/104734200
