Ua toe faailoa e nisi o loo sapalaiina oloa i supamaketi tetele, tau o loo faatau atu ai i supamaketi a latou oloa, ma i faatusatusaga o nisi o oloa ua faaluaina tau o loo totogi e tagata faatau.
E 46 pisinisi laiti agai i le feololo o loo faatau atu i le Foodstuffs ma le Countdown a latou oloa lea ua toe molimau i tala a le Newshub e ofo i le tau o loo faatau ai.
O le lettuce e faapea o loo latou sapalaiina i le na o le $3, peitai e silia ma le $6 lea o loo toe faatau ese atu ai e supamaketi.
Ua ioe ai ma pisinisi nei latou te sapalaiina supamaketi, o loo matuai tigaina lava tagata faatau.
E ui la i faatusatusaga a i latou nei e sapalaiina oloa agai i supamaketi molimau a supamaketi na faatalanoa, e le o tele sa latou polofiti mama mai oloa nei ona o le mea moni e tele foi isi tau e totogi e supameketi e le gata i kiliva, aufaigaluega, o le otaota ma isi.
E leai se supamaketi na taliaina le finau mai o pisinisi o loo sapalaiina oloa, ma o loo latou teena foi faamatalaga o lea e tele ai a latou polofiti.
