Ua tuua Samoa e le sui o le Tamā Paia poo le Pope o loo Faaao iai le Ekalesia Katoliko i le lalolagi, ina ua mae’a ona tauaao atu i le afioga i le Ao Mamalu o le Malo ona tusi taualoa o lona tofiga, o le a avea ai ma sui o le Faaao o le ekalesia i le Pasefika e aofia ai ma Samoa.
O le afioga i le Aki Epikopō Gabor Pinter na taunuu i Samoa i le Aso Toona’i na te’a nei ma ia ta’ita’ia ai se sauniga o le Misasā paia i le malumalu Katoliko i Mulivai i Apia mo le pule’aga a Samoa Apia i le Aso Sa na te’a nei, a o lumana’i le Aso Lua o lenei vaiaso sa tauaao ai ona tusi tofiga.
Sa feiloa’i atu le sui o le Tamā Pa’ia i le ta’ita’i o le malo le afioga i le Palemia a o le’i toe taliu atu i Niu Sila lana faigāmalaga.
O le afea ai o o tatou fanua ma eleele e le sui o le Pope i le Pasefika sa talimalo ai le ta’ita’i o le Puleaga a Samoa Apia ma le pulega o le Ekalesia Katoliko i lo tatou atunuu.
