O tapenaga a le tatou aulakapi le Manu Samoa mo le taaloga faitaulia muamua ma le ‘au a Italia ua faaalia e le faiaoga ia Mase Mahonri Schwalger, e leai lava se ‘au e lē tapena ia manumalo.
Peitai o le Aso Sa na te’a nei na faato’ā taunuu ai isi tama o le tatou ‘au, ma amata ai loa koleniga i le Aso Gafua o lenei vaiaso.
Faaalia e le faiaoga ua mafua ona tuai tolauapi faatasi le ‘au ma tasi le vaiaso e tapena ai, ona o tulaga tau tupe e lē oo iai se malosi o le pulega o le Manu Samoa.
Le tofa Mase Mahonri Schwalger o le faiaoga ulu o le Manu Samoa.
O le susuga Theodore MacFarland ua filifilia e kapeteniina le Manu Samoa ma o se filifiliga na faaalia e le faiaoga ulu e lei faigofie.
Le kapeteni filifilia o le Manu Samoa Theodore MacFarland.
O le Aso Lulu e faato’ā faalauiloa ai le aufili a le Manu Samoa mo le taaloga faitaulia muamua ma Italia.
