E 7591 isi tagata ua faamaonia le aafia i le Koviti-19 i totonu o Niu Sila atoa ai ma le 16 o tagata maliliu e iai sootaga i le koviti. Ua faamaonia mai lea faamatalaga e le matagaluega o le soifua maloloina. O ia fuainumera ua faamauina i totonu o le 24 itula talu ai.
Ua faailoa e le matagaluega o le to’afitu o tagata maliliu e mai le faaitu o Aukilani, ta’i tolu mai Canterbury ma Ueligitone ma le ta’itasi mai Lakes, Bay of Plenty ma le Southern Region. O le to’aiva o i latou ia o le itupa o tamaitai ma le to’afitu o alii.
O Aukilani o loo aupito to’atele ai tagata aafia e pei ona faamauina i le asō, e 2,520 sosoo ai ma Canterbury e 1,110. Ua faailoa foi e le matagaluega o le 7,339 o tagata aafia mai le numera o le asō sa faamauina mai i RAT test ma le 252 mai su’ega o le PCR.
Vaofilifili & Le Soga
0 Aua ne’i galo sau lomiga ole Tusi ole Sōgā faatasi ai male lolomiga ole Vaofilifili. E maua ai Faalupega
