O le alii o Benji Marshall lea ua lipotia o le a avea ma faiaoga o le West Tigers i le 2025 ina ua sainia nei se maliega e 5 tausaga ma le kalapu sa taalo muamua ai.
Ua faailoa o le a avea Marshall ma faiaoga lagolago i lē ua filifilia nei e avea ma faiaoga o le kalapu mo isi taamilosaga e lua o le a sosoo ai, Tim Sheens, ma avea ai loa o ia ma faiaoga i le kalapu i le 2025.
Ua ta’ua ai foi i le Syde Morning Herald o Robbie Farah lea sa kapeteni foi i le Tigers i tausaga ua mavae o le a agai ane foi i le vaega o faiaoga a le kalapu. O le faiaoga sa iai talu ai o Michael McGuire na faamālōlō i le masina talu ai ma sui tulaga iai Brett Kimorley mo le taimi nei seia amata Tim Sheens.
Lona uiga la e foliga o tama tuai o le kalapu lea ua amata faata’ita’i ma faasauni mo le tuuina iai o le foe i ni nai tausaga e lē o toe mamao, fai mai Marshall o lana miti lea ia avea o ia ma faiaoga i le NRL ma o le a talafeagai tonu i le kalapu ua maua ai lona avanoa.
