Ua iai nei se alii ua pueina i le tau sailia ai pea o le tina e suafa ia Samantha Murphy mai Vitoria lea ua savalia nei le silia ma le masina.
Fai mai le 9News na pue e leoleo le alii lea i lona fale i Ballarat i le taeao ananafi ma e talitonuina e pei ona ta’ua i le lipoti e leai sona sootaga i le aiga o le tina.
O loo iai pea la i le vaaiga a leoleo ma e lei faia ni moliaga.
Ua atoa le masina o faia pea sailiga a leoleo i le tina lenei na agai ese mai ma lo latou fale i le aso 4 o Fepuari mo sana tamoega ae lei toe foi ane ai lava.
O Samantha e 51 tausaga o lona soifua, e iloa tele i lo latou faaitu auā e iai foi le latou pisinisi lipea taavale ma e tele foi le sao o le tina i meafai a le komiuniti.
O loo faaauau pea i le asō le suesuega a leoleo i lē ua pueina.
