Semanū e alia’e foi se isi faalavelave i le aai o Sini i le vaiaso nei pe ana lē maua lelei e leoleo se tasi alii na agai atu ma se fana ua mae’a utuina sa nanā atu i lona ofu i le taulaga i Sini i le aso ananafi.
Ua molia nei o ia e leoleo ae fai mai o le aoauli ananafi na taofia ai e leoleo lea tagata ina ua agai ese mai ma se nofoaga laiseneina i George St ma ina ua faatino su’esu’ega a leoleo na maua ai loa le fana lea ma feta’uaina ai le maua foi o le tusa ma le 3.3 kalama o fualaau faasāina, 6.6 kalama o le aisa ma le $2,100 o se tupe na maua iai.
Na faia ai lava ona moliaga e valu i le aso ananafi ma e le’i taliaina le talosaga e tatala ai i tua. Sa fuafua e tulai i le faamasinoga i le asō.
