Ua iai le popolega i le faamuta o le tautua a le Ola, e ono taugata ai ma feoaiga a tagata e faaaogāina le Uber.
O le amataga o le masina lenei na faamuta ai auaunaga a le Ola i Niu Sila, ma ua popole ai le iuni a le First Union.
O le silasila a le iuni o le leai o se isi fale taavale i le maketi e faatautauva ma le Uber o lona uiga o le a saoloto ai lava na o le Uber ma e ono taugata ai ma pasese.
Peitai i se tali mai a le Uber, e lē faapea o le a na o le Uber ona alu ai lea i luga o le tau o feoaiga ma o lea lava foi e iai isi taavale laiti la’upasese o loo latou faatautava e lē gata i lea o isi auaunaga o loo kilivaina meaai e pei o le DoorDash ma le DeliverEasy.
Puna o Faamatalaga: https://www.nzherald.co.nz/business/ola-pulling-out-of-new-zealand-what-does-it-mean-for-passenger-fares-and-will-uber-raise-prices/QETNO4DUFFA2XGJXFWF7OH6EQE/
