Ua molimauina e talafou i le asō le faatumulia pea o le malaevaalele i Sini i tagata femalagaa’i e ui i lapataiga ina ia silasila i tulaga o le tau o loo aafia ai Niu Sa Uelese i le asō. Uumi laina poo queue i le domestic ma le malaevaalele faavaomalo foi.
E oo i le 2 itula o faatalitali pea nisi i le check-in ma ua faaleo foi lagona lē fiafia i luga o le social media. Faailoa e se sooupu mai le pulega a le malaevaalele, e faamalie i le toatele ona o le faaletonu o loo tulai mai.
Na faailoa foi ona o le faafitauli o loo feagai pea i le faaitiitia o tagata faigaluega ma le faaletonu o le tau ua atili faatuai ai nisi faigamalaga.
Fai mai le toatele o loo poloka i le malaevaalele, faato’ā vaai lea i se tulaga faapea i le malaevaalele i Sini.
