O le lalata i le 10 anapo, na lipotia ai e le Radio Niu Sila le vaaia o le lolofi atu o taavale a leoleo ma le tele o taavale a le falema’i i le auala i se tuātusi i Kalaiesetete ina ua lipotia ane se faalavelave o se vevesi i le fale o se aiga ma molimauina e to’afā tagata na faamanu’alia mai ai ma le to’atasi o loo iai i se tulaga tigāina.
O lenei faalavelave na tula’i mai i Hoani Street i Northcote, ma e lipotia na pā pā ni laaumalosi, ma i se lipoti lata mai i le taeao nei a le Radio Niu Sila ua faailoa ai, o se feteena’iga i le va o sui o kegi a le Black Power ma le Mongrel Mob.
E pei ona ta’ua i lea lipoti, o lenei faalavelave e talitonu leoleo, e masani tagata nei na aafia, ma atonu e leai se lamatiaga o ono iai mo le lautele o le atunuu i lena faaitu, ae iai nisi o loo sa’ilia e leoleo mai lenei faalavelave.
O loo faagasolo su’esu’ega i le fale lea na tula’i mai ai lenei faalavelave anapo.
Puna o Faamatalaga: https://www.rnz.co.nz/news/national/587234/manhunt-after-clash-between-rival-gang-members-leaves-four-people-hurt-one-critical-in-christchurch
