O le faamatuuina atu e le malo o Amerika o faila poo faamaumauga e silia i le 3 miliona e faatatau i le alii o Jeffrey Epstein ua alia’e ai ma le mau fesili e faatatau i sootaga o nisi o tagata e to’atolu e iloatele i Peretania aemaise ai o le Palemene a le atunuu ma le aigatupu.
Ta’ua i lipoti a le CNN i le asō o le alii sa ta’ua o le Pelenise, o Andrew, o lona to’alua sa iai o Sarah Ferguson ma Peter Mandelson o lē sa avea ma amepasa o Peretania i le malo tele o Amerika o loo lisi uma i nisi o nei faila ua faamatuu ane ma ua tauanau ai e nisi o le atunuu e tatau ona faamanino ane o latou sootaga i le alii o Epstein.
Ua faailoa foi i le lipoti a le CNN le una’ia e le Palemia o Peretania, Kier Starmer o Andrew ina ia faia sana faamatalaga i luma o le konekeresi a Amerika ae ua fetaua’ina foi i lenei vaiaso le faamavae o Mandelson mai le Pati a le Leipa a le atunuu faapea ma le House of Lords.
O nisi o ia faamatalaga ua faailoa i le lipoti o loo faamauina ai se vaegātupe na maua e Mandelson e 75 afe mai ia Epstein i le va o le 2003-2004.
E tele isi popolega ua alia’e i faila ia ua faalauiloa ma o loo māta’itū e le to’atele o tagata poo ai isi iloga o loo aofia uma ai igoa i sootaga ma Epstein ua maliu ae o lea ua alia’e i latou sa o latou faifaimea faatasi.
Puna o Faamatalaga: https://edition.cnn.com/2026/02/02/uk/epstein-files-britain-mandelson-andrew-ferguson-intl
