O loo faaauau pea ona motusia le eletise i maota ma laoa o tagata i Ueligitone faapea le lower North Island i le mae’a o le loulouā o le tau i matagi malolosi ma timuga mamafa na aafia ai ia faaitu.
Ua faailoa i le asō e le Wellington Electricity ua silia ma le afe fale o loo aafia i le motusia o le eletise ma o le asō e tatau ona toe faaola ai le paoa i nisi o nofoaga peita’i mo vaega o loo āfaina laina o loo iai sina faatuai.
O le Aso Sa na te’a nei ma le Aso Gafua na vaaia ai le malolosi o matagi ma to’ulu ai laau ma uaea eletise ma faaleagaina ai le alatele aemaise o taavale ma meatotino a tagata.
Saunoa foi le pulenuu o Manawatu i le RNZ, Michael Ford, sa taumafai le PowerCo e aveese nisi o laau ua poloka ai auala ina ia mafai ona oo i nofoaga o loo faaleagaina ai uaea ma pou eletise.
Puna o Faamatalaga: https://www.rnz.co.nz/news/national/587181/wellington-and-lower-north-island-still-without-power-days-after-weather-bomb
