Ua momoli faamaisega ma faamafanafanaga mai le ta’ita’i o le malo le afioga i le Palemia o le malo Tuto’atasi o Samoa, i le faletua ma le nofo a alo, ma tagata lotu uma o le Ekalesia Asofitu Samoa Tuto’atasi ona o le tuumalo o le ta’ita’i aoao o le ekalesia i le Aso Lua o le vaiaso nei le susuga Pastor Alaimoana Willie Papu.
O faamaisega mai le Palemia ma le faigāmalo ona o se tasi o ta’ita’i faalelotu sa vavalalata le mafutaga ma le ta’ita’i o le malo i lona tulaga o le ta’ita’i o le vaega faaupufai o le Faatuatua i le Atua Samoa ua Tasi.
O le masina o Mati o le tausaga ua mavae na tauaao atu ai e le susuga Alaimoana Wilie Papu ma se sui o le ekalesia se foa’i tupe e 200 afe tālā e fesoasoani ai i le vaega faaupufai o le Faatuatua i le Atua Samoa ua Tasi.
