Ua aveesea mai le lola a le a’oga le tamaitiiti lea na ia faaoomanu’a i faia’oga a o iai i le a’oga i Kalaiesetete i le vaiaso talu ai.

O le Aso Lulu na te’a nei lea na tupu ai le osofa’iga lenei ina ua faaoolima le tamaitiiti a’oga o loo i le Vasega 9 i faia’oga e to’alua e faaaogā ai le seleulu.

Na faamālōlō lē tumau ai lē o loo tuua’ia mai le a’oga ae faasolo su’esu’ega, ma i totonu o le vaiaso o faia faatalanoaga ma su’esu’ega faatasi ma le aiga o le tamaitiiti a’oga, ua sau ai le faai’uga o le a faamālōlō tumau.

Mai le pulega o le a’oga ona e lē mafai ona tuli se tamaitiiti e i lalo mai o le 16 tausaga le matua o lona uiga pau le faai’uga o le aveese o lona igoa ma le lola, ae taumafai le a’oga ma le matāgaluega o a’oga e sa’ili se isi a’oga fou e ave iai, ma afai ae lē maua o lona uiga o le a toe foi mai.

O le tamaitiiti a’oga ua tuua’ia o lea ua molia nei ma e tula’i i luma o le faamasinoga o tupulaga talavou i le masina fou.

O loo faaauau pea foi aso livi o faia’oga na manunu’a.

Puna o Faamatalaga: Student who allegedly attacked teachers with scissors faces criminal charges