E 36 tausaga o se alii o loo iai pea i le falema’i talu mai le fanaina e leoleo i le Aso Lua na te’a nei a o lipotia ane ai e faapea na agai sa’o lava lana taavale agai i malu o le malo ae o le taavale na agai atu ai o se taavale gaoi.

Sa lipotia atu muamua i talafou le faalavelave na pu’eina ai foi e leoleo ma le isi tagata e 38 tausaga na malaga faatasi atu ma le alii lea i le taavale. 

O le tala lata mai la o le mataupu lea e faapea ua molia nei e leoleo le tagata lea o le pasese sa i totonu o le taavale ma e molia i moliaga o le umia o fualaau faasāina.

E iai lipoti o loo ta’ua ai e foliga e lē na o le tasi se moliaga. E lē o faailoa maia pe ua faia nisi moliaga faaopoopo i le avetaavale ae ua ta’ua mai o loo i se tulaga lelei ma faia iai togafitiga.