Ua maua ma ua molia e leoleo le alii lea na salalau i luga o le Facebook lona faaoolima i le tamaitai i Ngaruawahia.
O lē ua molia e faapea e 28 tausaga o lona soifua ma o moliaga o le ave faamalosi ma le faaoomanua e ono faamanualia tigaina ai se tasi lea ua molia ai.
O le salalau ai o le ata video i le faaiuga o le vaiaso i le fasiga o le tamaitai lenei na sulu i totonu o le faleoloa ia Ngaruawahia mulimuli ai toso agai i le taavale na faaalia ai le popole o le toatele online i le soifua ma le saogalemu o lē na aafia.
I tala mai le ofisa o leoleo o lea na sue solo i Waikato lē ua molia ma o le asō e tulai ai i luma o le faamasinoga.
Ae mo le tamaitai na aafia o lea o loo faaauau pea lava ona vaaia e le ofisa e tusa ma lipoti ua tuuina mai.
