Fai mai o auupega o fana, taavale gaoi ma fualaau faasāina, o nisi o aitema na maua e leoleo i Taranaki i se vaega o le latou su’esu’ega ua faaigoa Operation Cobalt, se su’esu’ega e agai sao i sui o kegi e solia le tulafono.
Fai mai le One News o le vaiaso nei na agai ai leoleo e aofia ai ma le vaega faaauffffffpegaina e faia se su’esu’ega i se fale e iai sootaga i le kegi a le Highway 61.
O i na maua ai mea e pei ona ta’ua ae o loo tau sailia pea e leoleo tagata e nonofo ai i le tuatusi lea. Fai mai le pepa o faamatalaga mai leoleo o le faia o lea su’esu’ega ua taofia mai ai foi ma nisi mafatiaga i komiuniti i lea faaitu auā o auupega ma mea sa mauaina mai ai e mafai foi ona faaaogā e fatupu ai ni faalavelave.
Ta’ua e leoleo i le lipoti lea e fia tuuina mai ai ma se fe’au i kegi e fiafia e faatino uiga solitulafono, e lē tuumāmāina e leoleo ia tulaga.
