O se kulupu o tagata tele le silafia i auaunaga tau le soifua maloloina ua o latou unaia nei le malo ina ia faalautele atu le latou fuafuaga lea e maua fua ai meaai mo tamaiti aoga, le free lunch scheme ia faaopopo atu iai ma nisi aoga.
O le Health Coalition Aotearoa ua o latou ta’ua e toatele tamaiti e manaomia lea auaunaga ona o le tulaga o iai nei le tau o le soifuaga aemaise o lologa na aafia ai Aukilani.
Fai mai le taitaifono o le kulupu lea o Boyd Swinburn o le polokalame lea a le matagaluega o aoga o le Healthy School Lunches o loo faapito mo aoga i le Hawkes Bay o loo iai le tusa ma le 25 pasene o tamaiti o loo maualuga le manaomia ai o lea fesoasoani ae e tatau ona toe faaopoopo iai ma se isi 25 pasene.
Fai mai Swinburn e toeitiiti afe aoga e aofia ai tamaiti aoga e 250 afe o loo i le polokalame i le tausaga nei ae ua faailoa foi e se tasi o le ausuesue mai le Iunivesite o Aukilani Victoria Egli, e tele foi lona tomai i tulaga tau taumafa, e tele le lagolago mo le polokalame lea i aoga o loo mauaina lea fesoasoani ae e moni e manaomia foi e isi aoga faaopoopo.
Ta’ua foi e lea fomai o le tulaga sa’o e tatau ona iai o le maua uma e aoga o lenei polokalame.
Saunoa le peresetene o le asosi a puleaoga o aoga maualalalo Vaughan Couillault e ta’ua lea polokalame ma e mautinoa e tele aoga e fia auai ai ae na te iloa foi o le faalautele atu o le scheme lea i isi o le a le lusi ai foi ma isi faaputugatupe poo le funding mo i latou o loo matuai manaomia le fesoasoani i taumafa auā o le a faalautele atu ai foi i tamaiti e le o manaomia lea fesoasoani ma ailoga o le a lagolago uma puleaoga i lea faiga.
